Энэхүү төсөл нь ЩХА-ийн санхүүжилтээр, “Хүний Аюулгүй Байдлын Судалгааны Төвийн” захиалгаар хийгдэж байгаа юм. Төслийн суурь судалгаа нь манай байгууллага дээр 2013 оны 04 сараас 06 сарын  хооронд хэрэгжиж дууссан.

 Энэхүү дунд шатны үнэлгээг нь 2014 оны 04 сараас 07 сарын хооронд 3 сарын хугацаанд хэрэгжих бол гуравдугаар шатны үнэлгээг 2014 оны 10 сараас 12 сарын хооронд хэрэгжүүлэхээр төлөвлөн ажиллаж байна.

Хяналт, шинжилгээ, үнэлгээний хүрээнд НЦҮ-ний төвөөр үйлчлүүлэгч болон тус төвийн ажилтнуудын сэтгэл ханамжийг үнэлж, суурь судалгааны үр дүнтэй харьцуулах, цаашид анхаарах арга хэмжээг тодорхойлох юм.

Суурь судалгааны үе шатнаас хойш ЗГ-аас батлагдсан “Нэг цонхны үйлчилгээ”-ний талаар авах зарим арга хэмжээний тухай 153-р тогтоол батлагдан гарсан. Тиймээс хяналт-шинжилгээ, үнэлгээний шатанд энэхүү тогтоол хэрхэн хэрэгжиж эхэлсэн тухай мэдээллийг хамруулахаараа өмнөх шатны судалгаанаас онцлогтой.

Суурь судалгааны үе шатанд тус хугацаанд улсын хэмжээнд ажиллаж байсан нийт 26-н НЦҮ хамрагдсан бол энэ удаад 13 аймаг, 4 сум болон Улаанбаатар хотын 5 дүүрэгт байрлах нийт 22 НЦҮ-г түүвэрлэн хамруулах юм.