Өмнөговь аймгийн хөгжлийг дэмжих“Орон нутаг дах бизнес хөгжлийн урт хугацааны зөвлөх үйлчилгээ”-г үзүүлж эхэллээ​.

MIRIM Consultant LLC, IRIM судалгааны хүрээлэнгийн хамтарсан баг Оюу Толгой ХХК-ийн санхүүжилтээр 2024-2026 оны хооронд хэрэгжүүлэх “Орон нутгийн хөгжлийг дэмжих бизнес хөгжлийн зөвлөх үйлчилгээ”-г Ханбогд болон түүний түншлэгч сумд (Манлай, Баян-Овоо болон Даланзадгад)-д үзүүлэх урт хугацааны төслийг эхлүүлээд байна. ​

Энэхүү зөвлөх үйлчилгээ нь орон нутгийн талуудыг чадавхжуулах замаар Өмнөговь аймгийн эдийн засгийг төрөлжүүлэн, хөгжүүлэхэд чиглэж байгаа ба Өмнөговь аймгийн тогтвортой хөгжилд чухал ач холбогдолтой, уул уурхайн бус дараах 4 салбарт төвлөрч байна. Үүнд: ​

Орон нутгийн ЖДҮ болон ханган нийлүүлэгчдийн хөгжил, ​

Малчдын тогтвортой амьжиргаа, орлогын төрөлжилт бий болгох, орон нутгийн хоршоодын хөгжлийг дэмжих ​

Орон нутгийн аялал жуулчлалыг хөгжүүлэх, ​

Орон нутгийн газар тариалан, мал аж ахуйн салбарууд ​

Зөвлөх үйлчилгээний хүрээнд 2024 онд дараах 12 багц ажлууд хэрэгжиж байна.