Архангай аймаг 2023 оныг Хөгжлийн бэрхшээлтэй иргэдэд ээлтэй жил болгохоор төлөвлөж буйтай холбоотойгоор Архангай аймгийн Эрдэнэбулган сумын хэмжээнд “Хөгжлийн бэрхшээлтэй иргэдийн хөгжлийг дэмжих дэд хөтөлбөр” боловсруулах бэлтгэл ажил явагдаж байна. Уг санаачилгын хүрээнд дэд хөтөлбөрийн хэрэгцээ шаардлага, нэн тэргүүний зорилтуудыг судалгаанд үндэслэж төлөвлөх зорилгоор аймгийн Хөгжлийн Бэрхшээлтэй Иргэдийн Холбоодын Зөвлөлийн гишүүдэд судалгааны арга зүйн суурь мэдлэг, практик ур чадвар олгох сургалтыг 2022 оны 04-р сарын 7-оос 13-ны өдрүүдэд зохион байгууллаа.