IRIM Судалгааны Хүрээлэн Хууль Зүй Дотоод Хэргийн Яамтай хамтран ’Мансууруулах эм, сэтгэцэд нөлөөт бодисын хууль бус эргэлттэй тэмцэх үндэсний хөтөлбөр‘-ийн хүрээнд хийгдэх судалгаа, сургалт, сурталчилгааны зөвлөх үйлчилгээг 2018 оны 10 дугаар сараас эхлэн хэрэгжүүлж эхэллээ.

Энэхүү зөвлөх үйлчилгээний зорилго нь:

• Хууль тогтоомжийн хэрэгжилтийн явц дахь ололтыг бататгах, хэрэгжилтийн бодит байдалд дүн шинжилгээ хийж, гарч байгаа хүндрэл бэрхшээлтэй асуудал, хуулийн хийдэл болон давхцал, нийгэмд үзүүлж байгаа давуу, сул тал, үр нөлөөг илрүүлэх цаашид тухайн хуулийг зохистой, үр дүнтэй хэрэгжүүлэхэд боломжит хувилбарыг тодорхойлох;
• Хуулийн хүрээнд гарсан ‘Мансууруулах эм, сэтгэцэд нөлөөт бодисын хууль бус эргэлттэй тэмцэх Үндэсний хөтөлбөр’-т үнэлгээ хийх;
•  Энэ төрлийн гэмт хэрэг, зөрчлийн өнөөгийн нөхцөл байдал, шалтгааныг тодорхойлох үлмаар урьдчилан сэргийлэх оновчтой арга замыг боловсруулах замаар санал, зөвлөмж гаргахад оршино.  

Энэхүү төслийн хүрээнд төслийн баг нь холбогдох баримт бичгүүдэд дүн шинжилгээ хийж,  Улаанбаатар хотод дээрх чиглэлээр үйл ажиллагаа явуулдаг мэргэжлийн байгууллага, ТББ, олон нийтээс тоон болон чанарын аргуудыг ашиглан  мэдээлэл цуглуулан судлахаар төлөвлөсөн бөгөөд одоогоор бэлтгэл шатны үйл ажиллагааг гүйцэтгэж байна. Бэлтгэл шатны хүрээнд талбарын мэдээлэл цуглуулалтад бэлтгэх, судалгааны  хэрэглэгдэхүүнийг туршиж сайжруулахаар ажиллаж байна.