KOICA байгууллагын дэмжлэгтэйгээр Нийслэлийн Засаг Даргын Тамгын Газар, Азийн сан, Хөгжлийн шийдэл ТББ, МҮХАҮТ, Голомт банктай хамтран хэрэгжүүлж буй ‘Бизнес эрхлэгч эмэгтэйчүүдийн төв’ (БЭЭТ) төслийн эцсийн үнэлгээг IRIM судалгааны хүрээлэн нь 2018 оны 8 дугаар сараас хэрэгжүүлж эхэллээ.

Энэхүү төсөл нь  бизнес эрхлэгч эмэгтэйчүүдэд чиглэсэн үйл ажиллагаа явуулдаг, тэдний үйл ажиллагааг дэмждэг Монголын анхны төв төдийгүй ‘Бизнес инкубатор’-аар дамжуулан эмэгтэйчүүдэд бизнесээ хөгжүүлэх боломжийг бий болгож байгаа билээ. 

Энэхүү үнэлгээний ажил нь Улаанбаатар хотод хэрэгжсэн тус төслийн хэрэгжилтийг үнэлэх, ингэхдээ бизнес эрхлэгч эмэгтэйчүүдийн бизнесээ эрхлэх эдийн засаг болон нийгмийн хөгжилд нь үзүүлсэн төслийн үр дүнг хэмжихэд чиглэнэ. Үүний тулд төсөлд хамрагдсан бизнес эмэгтэйчүүдээс чанарын болон тоон аргаар мэдээлэл цуглуулан судлах бөгөөд одоогоор бэлтгэл шатны үйл ажиллагааг гүйцэтгэж байна. Төслийн үйл явцын дэлгэрэнгүй мэдээллийг цаг тухайд нь хүргэх болно.